Minčan navučać stvarać Wi-Fi-sietki dla hramadstva
Udzielniki Meš-kłuba navučacca razhortvać situacyjnyja łakalnyja vajfaj sietki 14 lutaha.
Meš-kłub — ekśpierymientalny prajekt arhanizacyi «Fałanster» pa vyvučeńni i raźvićci Mesh- i Wi-Fi-sietak.
Kłub šukaje ludziej, zacikaŭlennych u razhortvańni i padtrymcy biazdrotavych kamunikacyj na karyść hramadstva.
Akramia hetaha, kłub budzie cikavy hramadskim supolnaściam, jakija ładziać mierapryjemstvy i žadajuć palepšyć infarmacyjnyj abmien pamiž udzielnikami, ci aktyŭna vykarystoŭvać sieciŭnyja pryłady dla supolnaści.
«My ličym, što hramadzianie tolki sami mohuć zabiaśpiečyć svaju infarmacyjnuju biaśpieku i prava na atrymańnie i abmien infarmacyjaj. Dla hetaha treba viedać, jak budavać sietki»,
—raspaviadaje kiraŭnik kłubu Michaił Vołčak.
U pracesie niefarmalnych sustreč płanujecca zrabić analiz supołak na patreby kamunikacyj praź sieciva, pieraprašyvać roŭtery, kanfihuravać Linux-sierviery, naładžvać VPN-kanały i inšyja aktyŭnaści, u vyniku jakich budzie stvoranaja Wi-Fi-karta sietak Minska, materyjał apisańnia ekśpierymientaŭ i daśledavańniaŭ, pratestavanaja praca sietak ŭ realnych umovach.
Kłub budzie źbiracca niekalki razoŭ na miesiac ź lutaha pa kastryčnik 2015 hoda.
Pieršaja sustreča: 14 lutaha, a 16.00, na bazie «Fałanstera» (vuł.Zacharava 77a, p. 2B).
Achvočym trapić u kłub treba zapoŭnić ankietu. Udzieł biezkaštoŭny. Pa pytańniach možna źviartacca na falanster.by@gmail.com.