Prezientacyja «Rasijska-biełaruskaha słoŭnika» Niekraševiča i Bajkova — 9 lutaha
U paniadziełak, 9 lutaha, u kniharni Ŭ adbudziecca pieršaja publičnaja prezientacyja treciaha, vypraŭlenaha i dapracavanaha vydańnia «Rasijska-biełaruskaha słoŭnika» Ściapana Niekraševiča i Mikoły Bajkova z udziełam movaznaŭca Siarhieja Zaprudskaha i vydaŭca Valera Bułhakava.
Słoŭnik pieravydadzieny na vysokim palihrafičnym uzroŭni ŭ samym kancy 2014 hoda. Hetym razam jon zajmieŭ ćviorduju vokładku.
Pieršaje vydańnie «Rasijska-biełaruskaha słoŭnika» Ściapana Niekraševiča i Mikoły Bajkova vyjšła ŭ śviet u 1928 hodzie nakładam 7 tys. asobnikaŭ. Nieŭzabavie paśla vychodu kniha była pryznanaja ideałahičnaj dyviersijaj, reštki jaje nakładu źniščanyja. Ściapan Niekraševič u 1930-yja niekalki razoŭ aryštoŭvaŭsia i byŭ rasstralany pa chłuślivym abvinačavačańni. Mikoła Bajkoŭ byŭ aryštavany ŭ 1945 h. u Niamieččynie savieckaj kontraraźviedkaj i, vierahodna, nieŭzabavie źniščany.
U słoŭniku na bolš jak 700 staronkach źmieščana bolš za 60 tys. słoŭ. Heta najlepšy słoŭnik pieršaj pałovy XX st.
Sustreča pačniecca a 19.00 hadzinie pa adrasie: pr-t Niezaležnaści, 37 a.