Prahlad i abmierkavańnie dakumientalnaha filma «Arakimientary» — 11 lutaha
U sieradu, 11 lutaha, ŭ 19:00 dyskusijny kinakłub BLOW UP zaprašaje na prahlad i abmierkavańnie lehiendarnaha dakumientalnaha filma «Arakimientary».
Film pryśviečany samamu viadomamu z azijackich fatohrafaŭ – ekscentryčnamu Nabujosi Araki (nar. 1940), jaki atrymaŭ šyrokuju viadomaść dziakujučy pravakacyjnym rabotam, što parušajuć tradycyjnyja tabu japonskaha hramadstva i časta pierasiakajuć miažu dazvolenaha ŭ žanry eratyčnaj fatahrafii.
Ulubionyja temy Araki — kvietki, nieba, žančyny i dzieci. Ale navat fatahrafii kvietak u Araki nastolki nieadnaznačnyja, što vyklikajuć skandały na fotavystavach.
Za svajo tvorčaje žyćcio Araki vydaŭ bolš za 250 fotaalbomaŭ, raspačaŭšy vydavieckuju aktyŭnaść z samavydavieckaha prajektu «Ksierakapijavanyja fatahrafii» (1970), abmiežavany nakład jakoha jon razasłaŭ siabram, krytykam i vypadkovym ludziam, čyje adrasy byli znojdzieny ŭ telefonnaj knizie. Temaj fotaalboma byli tvary samych zvyčajnych žycharoŭ Tokia.
Na rachunku fatohrafa vialikaja kolkaść piersanalnych vystaŭ u Amierycy i šmatlikich krainach Jeŭropy. U Japonii vystaŭki Araki časta začynialisia, raboty kanfiskoŭvalisia, a z fatohrafa spahanialisia štrafy. Ale heta nie spyniała majstra i tolki spryjała rostu jahonaj papularnaści jak u Japonii, tak i va ŭsim śviecie.
Nazva: «Arakimientary» (Arakimentari) Hod vypusku: 2004 Kraina: ZŠA Režysior: Trevis Kłaze Žanr: dakumientalny, bijahrafija Praciahłasť: 01:14:48 Mova: japonskaja + anhielskaja Pierakład: ruskija subtytry
U zdymkach filma brali ŭdzieł: Bjork, Takiešy Kitana
Film tolki dla darosłaj aŭdytoryi! 18+!
Centr sučasnych mastactvaŭ
adras: h. Minsk, Niakrasava, 3