U Minsku projdzie vystava rok-katoŭ
Biełaruski mastak Siarhiej Stelmašonak vystaŭlaje 20 postaraŭ vusatych i vušastych rok-zorak z 16 lutaha.
Vystava rok-katoŭ adkryjecca 16 lutaha ŭ 18:30 ŭ kaviarni «Cafe Netto» (vuł. Čyrvonaja, 13), pieradaje TUT.BY.
Usich haściej adkryćcia čakaje padarunak — aŭtarskaja paštoŭka ź italjanskaj sieryi. Prajekt «Rok-katy» byŭ pradstaŭleny ŭ 2010 hodzie ŭ Polščy, ale biełarusy pabačać jaho ŭpieršyniu.
U kacinych tvarach na postarach Stelmašonka paznajucca Džymi Chiendryks, The Beatles, Ełvis Preśli, Dženis Džoplin i inšyja. Jak tłumačyć mastak, pierson jon abiraŭ z tych, čyju tvorčaść lubić. Ale lubimych muzykaŭ jon maje bolš za 20, tamu vierahodna, što sieryja praciahniecca.