Naša mova: jak adznačali dzień rodnaj movy ŭ Minsku FOTAREPARTAŽ
«Śviata rodnaj movy» prajšło 22 lutaha ŭ mienskim biznes-kłubie Imaguru. Mierapryjemstva pačałosia a 14.00 u niadzielu, jano prymierkavana da Mižnarodnaha dnia rodnaj movy, jaki byŭ zasnavany JUNESKA i tradycyjna adznačajecca 21 lutaha.
U hetym hodzie ŭ farmacie kulturna-adukacyjnaha śviata, prymierkavanaha da Dnia rodnaj movy, było vyrašana abjadnać biełaruskamoŭnyja tvorčyja inicyjatyvy, moŭnyja kursy, biznes-prajekty, a taksama vytvorcaŭ suvieniraŭ i paštovak, cikavych muzykaŭ i raznastajnych tvorčych pracaŭnikoŭ. Prahrama raśpisanaja z 14 hadzin dnia da poźniaha viečara niadzieli.
Prezientacyja abmiežavanaha nakładu hadzińnikaŭ «Pramień» z nacyjanalnaj simvolikaj.
Kulinarnyja vyraby z vystavy.
Handlovyja šerahi.
Majstar-kłas biełaruskich tancaŭ.
Suvienirnaja pradukcyja.
Lalečnaja pastanoŭka ŭ dziciačaj zonie.
Prezientacyja nastolnaj hulni.
Prezientacyja nastolnaj hulni.
Na pieršaj placoŭcy svaju pradukcyju, źviazanuju z nacyjanalnaj tematykaj, prezientujuć Minski hadzińnikavy zavod, jaki vypuściŭ liniejku hadzińnikaŭ z nacyjanalnym cyfierbłatam «Spadčyna», i vytvorca nižniaj bializny z arnamientam Bializna.by.
Tut ža prachodzić prezientacyja novaj nastolnaj hulni «Kazačnik» i kampjutarnaj hulni «Lehiendy Ejzenvalda», majstar-kłasy pa kulinaryi, vystup KVK, a taksama litaraturna-muzyčnaja prahrama, padčas jakoj vystupili piśmieńniki i litaratary Viktar Marcinovič, Aleś Płotka, Źmicier Višnioŭ i biełaruskija bardy.
Dla maleńkich naviednikaŭ śviata była praduhledžana dziciačaja zona i kancertna-zabaŭlalnaja prahrama.
Na muzyčna-zabaŭlalnaj placoŭcy pracuje vystava płakataŭ Uładzimira Krukoŭskaha.
Adbyłasia lekcyja i praktyčnyja zaniatki pa narodnych tancach Biełarusi.
Tut ža prajšli prezientacyi vydańniaŭ TBM i Centru słavianskich moŭ i kultur, prahrama moŭnych kursaŭ «Movavieda». Na hetaj placoŭcy vystupili hurty Vuraj, Yamaya, «Krama» i Palina Respublika.
U adukacyjnaj zonie hości naviedali majstar-kłasy pa pracy ź sistemaj Wikipedia, dzie śpiecyjalisty raskazali pra toje, jak možna ŭdaskanalvać biełaruskamoŭny siehmient hetaj svabodnaj encykłapiedyi.
Pradstaŭniki kamandy infarmatyka.org pračytali lekcyju pra toje, jak pravodzić navukovuju dziejnaść u halinie matematyki na biełaruskaj movie.
Tut ža achvotnyja zmahli dałučycca da napisańnia VIII Usiebiełaruskaj dyktoŭki i sustrelisia z movaznaŭcam, byłym dypłamatam Piatrom Sadoŭskim i naviedali majstar-kłasy Natalli Hamajunavaj i Valanciny Ślunčanki pa vyrabie paštovak-vycinanak.