U Minsku adkryŭsia IT-forum TIBO-2015
Vystava prachodzić z 22 pa 25 krasavika ŭ futbolnym maniežy.
Na TIBO-2014. Fota z supołki forumu «UKantakcie»
XXII Mižnarodny śpiecyjalizavany forum pa telekamunikacyjach, infarmacyjnych i bankaŭskich technałohijach «TIBO-2015» adkryvajecca ŭ Minsku 22 krasavika. Uračystaje adkryćcio zapłanavanaje na 15:30.
Asnoŭnyja tematyki vystavy — telekamunikacyi, internet-technałohii, elektronika, robatatechnika i zabaŭlalnyja technałohii. Padčas forumu projdzie cyrymonija ŭznaharodžańnia štohadovaj Internet-premii.
U forumie voźmuć udzieł dźvie sotni kampanij ź Biełarusi, bližniaha i dalniaha zamiežža. Kala traciny kampanij — novyja ŭdzielniki. Z suśvietna viadomych brendaŭ udzieł voźmuć Cisco, Epson, HP, Huawei, LG, Nokia Siemens Networks, Panasonic, SAP, Sharp, ZTE i inšyja.
Padčas forumu projduć pasiedžańni rehulataraŭ sieciva krain Uschdniaha partniorstva, biźnies-forum miž Paŭdniovaj Karejaj i krainami SND, sieminar pa elektronnym handli pry padtrymcy Jeŭrakamisii, mižnarodny bankaŭski forum, pryśviečany technałohijam i navacyjam.
***
Forum TIBO pravodzicca ŭ Biełarusi z 1994 hoda. Źjaŭlajecca adnym z najvialikšych mierapryjemstvaŭ IT-tematyki na terytoryi byłoha SSSR. U 2014 hodzie forum naviedali kala 28 tysiač techničnych śpiecyjalistaŭ, pradstaŭnikoŭ kampanij, navukoŭcaŭ i čynoŭnikaŭ.