U Minsku projdzie pieršy knižny fiestyval
U dvuchdzionnaj prahramie kirmaš, vystavy, sustrečy ź piśmieńnikami i mierapryjemstvy dla ŭsich uzrostaŭ.
U minskaj Nacyjanalnaj biblijatecy 24—25 krasavika projdzie Pieršy haradski knižny fiestyval «Knihi i horad».
Uračystaje adkryćcio projdzie 24 krasavika a 14-j hadzinie, na im vystupić hurt S°unduk.
U prahramie kirmaš, vystava chend-mejdu, dziciačyja zaniatki i majstar-kłasy, paetyčnyja imprezy, čytacka-piśmieńnicki batł, litaraturnyja hutarki i kłuby, litkaviarnia, vystupy papularnych biełaruskich aŭtaraŭ. Na dziciačaj placoŭcy buduć dziejničać lalečnyja teatry «Kardonka» Śviatłany Bień i «Lamcavaja batlejka», a taksama ekśpierymientalny teatr «BuSiemaPa» i mnohija inšyja.
Z 19 da 23 hadziny 24 krasavika ŭ Navukovaj biblijatecy BNTU ŭ miežach festu projdzie «Biblijanoč», u prahramie jakoj kłub nastolnych hulniaŭ, pakaz dakumientalnych karotkamietražnych filmaŭ, prajekty «pad zamkom», «Žyvaja biblijateka», kancert u dvoryku univiersiteta i fajer-šou.
24-ha fiestyval budzie dziejničać da 21-j hadziny, 25-ha — z 10 da 18.
Uvachod na ŭsie mierapryjemstvy volny.