Čyrlidarka ŭ padkacie źbiła kapitana BATE VIDEA
Paciešny epizod zdaryŭsia pierad pačatkam matča BATE—«Homiel» 27 krasavika. Achviaraj čyrlidarki staŭ 37-hadovy kapitan barysaŭcaŭ Źmicier Lichtarovič. Videa hetaha momantu stała samym papularnym u Biełarusi za kaniec krasavika.
Pierad pačatkam matča 3-ha tura čempijanatu Biełarusi čyrlidarka, uciakajučy z pola, paśliznułasia. U vyniku ŭ nienaŭmysnym padkacie jana źbiła 37-hadovaha futbalista. Jon zreahavaŭ na siurpryz prafiesijna. «Kapitana BATE Dźmitryja Lichtaroviča nie zaśpieć źnianacku ničym. Heta vopyt!» — žartuje kłub u svaim JUTub-kanale.
Trybuny dobra paviesialilisia. Na vynik ža samoj hulni incydent nie paŭpłyvaŭ. Samy mocny kłub Biełarusi zakanamierna pieramoh na kłasie 2:0.