Pamior zasnavalnik Partyi Zialonych Aleh Hramyka
left.by
U 69 hadoŭ pamior hramadski dziejač z Homiela Aleh Hramyka.
Aleh Hramyka zasnavaŭ Partyju Zialonych, paśla taho jak jaho asabista nakryła čarnobylskaja chmara. Jaho siamja žyła niedaloka ad Čarnobyla, u Brahinskim rajonie, i dźvie siastry z bratam pamierli ad ankałahičnych chvarob. Heta padšturchnuła jaho, nastaŭnika hieahrafii, u palityku.
Na svabodnych vybarach hamielčuki abirali jaho deputatam Homielskaha abłasnoha i haradskoha savietaŭ.
Jon doŭhi čas byŭ adzinym lidaram partyi, jaki žyŭ nie ŭ Minsku, a ŭ Homieli. Partyja Zialonych była nievialičkaj, ale była — i heta pryciahvała ŭvahu da prablem achovy pryrody.
Aleh Hramyka ŭ 1973 hodzie skončyŭ Mahiloŭski piedinstytut — u adzin čas z Alaksandram Łukašenkam, navat ihraŭ u adnoj handbolnaj kamandzje ź im. Heta byli ludzi adnaho pakaleńnia, ale roznych vartaściej.
Pachavańnie spadara Hramyki adbudziecca siońnia a 15.30 u Homieli.
Pa spadaru Hramyku zastalisia žonka, darosły syn i dvoje ŭnučkaŭ. I spraviadlivyja spravy.