Hod jak nie stała muzyki Źmitra Sidaroviča
17 maja budzie hod, jak z nami niama muzyki Źmitra Sidaroviča.
Znakamity biełaruski bard, jaki stvaryŭ niamała piesień, jakija prymalisia za narodnyja, pajšoŭ z žyćcia raptoŭna, u 48 hadoŭ — jaho znajšli niežyvym va ŭłasnaj kvatery.
Siabry muzyki paviedamlajuć, što ŭ subotu, 16 maja ŭ 12.30 ŭ sabory śviatych Piatra i Paŭła, što na vulicy Rakaŭskaj, 4 u Minsku budzie adsłužana biełaruskamoŭnaja panichida pa Źmitru Sidaroviču.
Na Tuzin.fm vyjšła składanka pamiaci Sidaroviča. Pasłuchać i spampavać 12 abranych piesień u jaho vykanańni možna pa hetaj spasyłcy.