Novym staršynioj Mižnarodnaj asacyjacyi biełarusistaŭ vybrany Aleś Suša
Staršynioj Mižnarodnaj asacyjacyi biełarusistaŭ (MAB) adnahałosna vybrany namieśnik dyrektara pa navukovaj pracy i vydavieckaj dziejnaści Nacyjanalnaj biblijateki Biełarusi kandydat kulturałohii Aleś Suša.
Takoje rašeńnie pryniali 29 maja ŭ Minsku delehaty VI Mižnarodnaha kanhresa biełarusistaŭ.
Na hetaj pasadzie Suša źmianiŭ raniejšaha kiraŭnika asacyjacyi — akademika Nacyjanalnaj akademii navuk Biełarusi historyka Michaiła Kaściuka.
Źviartajučysia da delehataŭ forumu, Suša zaznačyŭ, što jašče niadaŭna mieŭ namier admovicca ad mahčymaści ŭznačalić MAB, adnak zaraz «hatovy pieraniać hetuju adkaznuju pracu».
Jon z upeŭnienaściu zajaviŭ, što «na praciahu nastupnych piaci hadoŭ asacyjacyi treba budzie mianiacca». MAB, skazaŭ novaabrany staršynia arhanizacyi, nieabchodna pašyrać hieahrafiju dziejnaści i «amałodžvać svaje rady», a taksama «naładzić supracoŭnictva z dypłamatyčnymi i kulturnymi centrami Biełarusi za miažoj».
«My pavinny pakazać svaju nieabchodnaść dla biełaruskaj dziaržavy i partnioraŭ, — padkreśliŭ Suša. — Treba abhruntavać svaju važnaść i być cikavymi dla tych, chto hatovy nam dapamahać».
Unutranaja kamunikacyja členaŭ MAB, miarkuje jon, taksama pavinna być pieraŭtvoranaja: «Treba ŭvachodzić u sacyjalnyja sietki, pravodzić sustrečy členaŭ kamisii dystancyjna ŭ režymie veb-kanfierencyj». «Karystajučysia sučasnymi technałohijami, asacyjacyja moža pašyryć kantakty z maładymi daśledčykami za miažoj», — dadaŭ Suša.
Novy kiraŭnik asacyjacyi biełarusistaŭ zaznačyŭ, što mienavita MAB pavinna stać inicyjataram praviadzieńnia mnohich značnych prajektaŭ. Tak, asacyjacyja pavinna sama vyjści z prapanovami ab tym, jak adznačyć najbližejšyja znakavyja daty, siarod jakich 25-hodździe MAB, 500-hodździe biełaruskaha knihadrukavańnia, 100-hodździe revalucyi 1917 hoda, 950-hodździe Minska.
***
Mižnarodnaja asacyjacyja biełarusistaŭ — hramadskaje navukova i kulturna-aśvietnickaje abjadnańnie, stvoranaje ŭ mai 1991 hoda. Suzasnavalnikami MAB vystupili Nacyjanalnaja akademija navuk Biełarusi, a taksama šerah ministerstvaŭ — adukacyi, kultury i zamiežnych spraŭ. Arhanizacyja abjadnoŭvaje daśledčykaŭ u śfiery sacyjalnych i humanitarnych navuk, vykładčykaŭ, dziejačaŭ kultury i aśviety, pierakładčykaŭ, jakija daśledujuć kulturna-histaryčnuju spadčynu i sučasnaje raźvićcio biełaruskaha naroda, inšych śpiecyjalistaŭ.