Minskija kinateatry pakažuć «Naruta»
Anime zusim niačasta traplaje na biełaruskija vialikija ekrany.
U minskim prakacie 4 červienia startuje japonskaja animacyja «Naruta. Apošni film» — užo dziasiataja poŭnamietražnaja stužka pra słavutaha nindzia. Pahladzieć jaje možna budzie ŭ «Biełarusi», «Zamku» i «Silvierskrynie».
Stužka stanie nasamreč apošniaj hłavoj 15-hadovaj historyi Naruta, što stała kultavaj u Japonii i papularnaj pa ŭsim śviecie.
Japonski multyplikacyjny žanr anime niačasta traplaje ŭ minskija kinateatry, ale ŭ vypadku pośpiechu «Naruta» situacyja moža źmianicca, adznačaje TUT.BY. Raniej chiba ŭ «Pijaniery» i «Rakiecie» pakavalisia stužki Chajaa Mijadzaki (uładalnika «Oskara» za «Uniesienych pryvidami» i hanarovaha «Oskara» ŭ 2014 hodzie).
***
«Naruta» — sieryja knih u žanry manhi (japonski anałah komiksaŭ), vypusk jakoj pačaŭsia ŭ 1999 hodzie, a taksama šerah anime-sieryjałaŭ, filmaŭ i videahulniaŭ. Krytyki adznačajuć jaskravaść, dynamičnaść i adpaviednaść kanonam manhi, ale ekranizacyi (asabliva poŭnamietražnyja) amatary sieryi zvyčajna aceńvajuć nižej. Tym nie mieniej, rejtynh hledačoŭ «Apošniaha filma» na IMDb składaje 8,1 z 10, rejtynh krytykaŭ pavodle Rotten Tomatoes — 4,1 z 5.