U Natalli Padolskaj i Uładzimira Preśniakova naradziŭsia syn
Ranicaj 5 červienia śpiavačka, biełaruska Natalla Padolskaja naradziła syna. Pra heta paviedamiŭ jaje muž, śpiavak Uładzimir Praśniakoŭ, u svaim Instagram.
Tam jon vykłaŭ fota z novanarodžanym za podpisam «Naša ščaście». Za čatyry hadziny zdymak nabraŭ bolš za 20 tysiač łajkaŭ.
Syn ŭ siamji 46-hadovaha śpievaka Uładzimira Praśniakova i 33-hadovaj Natalli Padolskaj naradziŭsia ŭ adnoj z maskoŭskich klinik.
Jak paviedamiła vydańniu Topnews.ru pres-sakratar Natalli Padolskaj i Uładzimira Preśniakova Hanna Isajeva, rody prajšli lohka, mama i mały adčuvajuć siabie dobra.
Ab ciažarnaści śpiavački stała viadoma jašče zimoj. Darečy, u hety ž dzień, roŭna 5 hadoŭ tamu, adbyłasia viasielle Praśniakova i Padolskaj.
Uładzimir Praśniakoŭ-starejšy ŭ efiry radyjo «Komsomolskaja pravda» raspavioŭ, što ŭnuka vyrašyli nazvać Arciemij abo Arciom:
«Vova zadavoleny, ja siońnia ŭ internecie pahladzieŭ fatahrafii — na rukach trymaje. Vielmi ščaślivy. Učora navat zabyŭsia na telefon u panicy, kali pavioz u radzilniu jaje. Ja jamu telefanavaŭ, a biare Natašyna siastra słuchaŭku, kaža, jon zabyŭsia telefon navat. Ja zadavoleny, što chłopčyk. Jany navat, pa-mojmu, imia jamu ŭžo prydumali — Arciemij, Arciom «.