Shuma prezientuje debiutny albom u «Chulihanie»
Shuma ŭ kaściole ŭ Drui padčas pracy nad «Kolado». Fota z sajta Shuma.by
Etna-elektronny prajekt śpiavački Rusi Shuma pradstavić svoj pieršy poŭnafarmatny albom «Žnivo» 20 červienia ŭ kłubie «Chulihan».
Viečaryna budzie doŭžycca z 9 viečara da 6 ranicy. Razam z prezientacyjaj płytki Shuma zapłanavanaja muzyčnaja archaika ad Shuma voices feat. Ne Tek, admysłovy kupalski hukavy dyzajn ad Alexis Scorpio i sety dydžejaŭ Nick Cherny, Raketka, Dee Flack, Magic, Likedill dy Shumaboy.
Kvitki kaštujuć 100 tysiač papiarednie i 150 u dzień kancerta.
Hurt Shuma ŭtvaryŭsia ŭ 2012 hodzie, u 2013-m vydaŭ mini-albom «Zołak». Vakalistki Rusia i Nadzieja Čuhunova razam z multyinstrumientalistam Alaksiejem Budźko i saŭnd-pradziusarami Nikam Čornym i Alaksiejem Karabiejnikam spałučajuć elektronnuju muzyku z archaičnymi biełaruskimi śpievami.