Na mahile Michaiła Žyźnieŭskaha pad Homielem pastavili pomnik z Pahoniaj i Tryzubam FOTAFAKT
Biełaruskija hramadskija aktyvisty vyrabili, pryvieźli i ŭstalavali nadmahilny pomnik Michasiu Žyźnieŭskamu. Jak paviedamiła Volha Mikałajčyk, hrošy na pomnik achviaravali pradprymalniki, rabočyja, piensijanery ź Biełarusi, ZŠA, Aŭstralii i inšych krainaŭ.
Padčas ustalavańnia pomnika na mohiłkach u vioscy Ściah Pracy kala Homiela prysutničali baćki Michasia Žyźnieŭskaha.
Michaś Žyźnieŭski byŭ zabity strełam u serca 22 studzienia 2014 H. padčas supraćstajańnia na vulicy Hrušeŭskaha ŭ Kijevie. MUS Ukrainy paćvierdziŭ, što Žyźnieŭski pamior ad ahniastrelnaha ranieńnia. Michaś Žyźnieŭski byŭ paśmiarotna ŭhanaravany ordenam Hierojaŭ Niabiesnaj Sotni.