U Bresckaj krepaści projduć viečary kłasičnaj muzyki
Pa piatnicach z 17 lipienia, pačatak u 16:00.
U mastackim muziei ŭ Paŭdniovych kazarmach Bresckaj krepaści ź piatnicy, 17 lipienia startujuć viečary kłasičnaj muzyki, pieradaje BIEŁTA.
Na pieršym kancercie vykanajuć aryi suśvietna viadomych opier, ramansa, tvory Bacha i Šapena. Raskład nastupnych viečaroŭ kłasičnaj muzyki i ich ahulnaja kolkaść nieviadomyja.
Padrabiaznaj infarmacyi pra mierapryjemstva niama i na sajcie krajaznaŭčaha muzieju. Viadoma, što na pieršym viečary vystupiać Lilija Batyrava (fartepjana), hitarny duet Dźmitryja Barysiuka i Jaŭhiena Navarka, skrypačka Aksana Kazłoŭskaja i śpiavačka Ludmiła Łahucionak.
Śćviardžajecca, što staražytny budynak XIX stahodździa stvoryć niepaŭtornuju akustyku. Prajekt prymierkavany da akcyi «Brest — kulturnaja stalica Biełarusi-2015».
Akramia viečaroŭ kłasičnaj muzyki pa piatnicach Brescki abłasny krajaznaŭčy muziej pravodzić «modny čaćvier», viełaekskursii-kvesty, raz na niekalki miesiacaŭ vystavy redkich ekspanataŭ. Tym časam u Minsku ź minułaj suboty prachodziać viečary kłasičnaj muzyki pad Ratušaj.