Da Katamadze i Onuka ŭ Mirskim zamku dałučacca «Nahual» i Šuma
A taksama litoŭcy Leon Somov & Jazzu, ukraincy DaKooka i Dzierzynski bitz, rasijcy «Naadia» dy novy prajekt aŭtarki Tanin Jazz.
Arhanizatary Mirum Music Festival nazvali poŭny łajn-ap festu, što projdzie 8 žniŭnia ŭ Mirskim zamku.
Chedłajnierami festu budzie adkryćcio minułaha hodu, ŭkrainski elektra-folk hurt Onuka, a taksama słavutaja hruzinskaja džaz-śpiavačka Nino Katamadze i jaje hurt Insight sa strunnym kvartetam «N».
Taksama na feście vystupiać biełarusy «Nahual» i Šuma, litoŭcy Leon Somov & Jazzu, ukraincy DaKooka i Dzierzynski bitz, rasijcy «Naadia» i Take the Cookies (novy prajekt biełaruski Taćciany Haroška, viadomaj pa Tanin Jazz).
Kvitki na fiestyval pradajucca praź internet i kaštujuć 335 tysiač. Z Bresta, Hrodna, Homiela i Minska buduć zładžanyja bas-tury, taksama da Mira chodziać maršrutki i elektryčki. Niezvyčajnaje charčavańnie na feście zabiaśpiečyć fud-kort, na jakim naviednikaŭ čakajuć Draniki-on-the-go, piakarnia i cukiernia «Žorny», fałafieli «jeležžele» i śpiralnyja bulbianyja čypsy. Paśla festu na noč možna zastacca ŭ ahrasiadzibach i namiotavym miastečku.