Kandydat ad Błoka Parašenki ŭpeŭniena pieramahaje na davybarach u Čarnihavie
Kandydatam ad Błoka Piatra Parašenki byŭ 31-hadovy kiraŭnik spraŭ prezidenta, uradženiec Vińnicy Siarhiej Bierazienka.
91 kandydat zmahaŭsia za miesca ŭ Viarchoŭnaj Radzie ŭ Čarnihaŭskaj vobłaści. Baraćba była pryncypovaj: vobłaść časta hałasuje jak «Ukraina ŭ siarednim». Miljarder Kałamojski sprabavaŭ pravieści ŭ Radu svaju pravuju ruku Hienadzia Korbana. U kampaniju było ŭkładziena šmat srodkaŭ. U pryvatnaści, heta ŭžo tradycyjna dla vybaraŭ va Ukrainie, vybarcam razdavali hrečku — forma pryciahnieńnia na svoj bok.
Vybary zaśviedčyli, tym nie mienš, što prezident Piatro Parašenka zachoŭvaje papularnaść. Kandydat ad jahonaha błoka pieramahaje z 34% hałasoŭ. U Korbana — 14%. Vysokija pakazčyki papularnaści i ŭ «novych partyj», što raźvilisia paśla Majdanu i abapirajucca na hramadzianskuju supolnaść. 5-pracentavy barjer adolvajuć kandydaty ad «Samapomačy», Demakratyčnaha aljansu, nacyjanalistyčnaj «Svabody», a taksama Apazicyjnaha błoka, što ŭźnik na ruinach Partyi rehijonaŭ eks-prezidenta Janukoviča.
Kałamojski i Korban sprabujuć stvaryć Ruch patryjotaŭ «Ukrop». U jaho rekłamu ŭkładzienyja miljardy hryvień. Jana samaja častaja na vulicach ukrainskich haradoŭ.