Kala Doma Vańkovičaŭ u Minsku projdzie fiestyval «Miadovy falvarak»
Fiestyval «Miadovy falvarak» projdzie 15 žniŭnia na prysiadzibnym učastku filijała Nacyjanalnaha mastackaha muzieja (NMM) «Dom Vańkovičaŭ. Kultura i mastactva pieršaj pałovy XIX stahodździa» ŭ centry Minska.
Arhanizatarami fiestyvalu, paviedamili ŭ NCHM, vystupaje supolnaść pčalaroŭ «Śviet pčoł» pry padtrymcy Ministerstva kultury i Fiederacyi prafsajuzaŭ.
Miadovaje śviata projdzie z 12.00 da 18.00. Naviedvalniki zmohuć paŭdzielničać u majstar-kłasach ad pčalaroŭ, šmatlikich konkursach dla dziaciej i darosłych, pradehustavać i nabyć miod i miadovyja napoi, pasłuchać muzyku i pieśni. Na fiestyvali taksama budzie pracavać kirmaš suvieniraŭ i padarunkaŭ ad narodnych majstroŭ.