Kampanija Google mianiaje nazvu
U Google niečakana źjaviłasia matčyna kampanija Alphabet, Inc. Jak śćviardžaje zasnavalnik amierykanskaha multymiedyjnaha hihanta Łary Pejdž, novaja struktura karparacyi sprościć isnujučuju schiemu kiravańnia brendami.
Ole Spata / dpa / Global Look
Pad «parasonam» Google zastanucca takija viadomyja brendy, jak YouTube i Android, a taksama pošuk u internecie i dadatki.
Inviestycyjnaje i daśledčaje padraździaleńnie piarojduć pad kiravańnie Alphabet.
Zhodna z novym płanam, Pejdž stanie vykanaŭčym dyrektaram Alphabet, u toj čas jak vice-prezident Sandar Pinčaj piarojdzie na pasadu staršyni praŭleńnia Google.
Suzasnavalnik Google Siarhiej Bryn atrymaŭ pasadu prezidenta Alphabet.
Pa słovach Pejdža, nazva brenda Alphabet abrana ŭ suviazi z tym, što adlustroŭvaje movu i bazavy nabor simvałaŭ pošuku Google, a taksama ŭjaŭlaje saboj hulniu słoŭ na anhlijskaj movie i moža pierakładacca jak «pieršakłasnaja inviestycyja».