Urad Rasii: Vajskova-pavietranaja baza ŭ Biełarusi «doŭhaterminova zamacuje rasijskuju vajskovuju prysutnaść u rehijonie»
Urad Rasii na pasiadžeńni ŭ sieradu abmiarkuje prapanovu prezidentu Rasii Uładzimiru Pucinu padpisać Pahadnieńnie pamiž Rasijaj i Biełaruśsiu ab rasijskaj avijacyjnaj bazie na biełaruskaj terytoryi.
Pra heta paviedamlaje RIAN sa spasyłkaj na pres-słužbu Kabmina Rasii.
«Padpisańnie pahadnieńnia budzie sadziejničać arhanizacyi sumiesnaj achovy źniešniaj miažy sajuznaj dziaržavy ŭ pavietranaj prastory i stvareńni Adzinaj rehijanalnaj sistemy supraćpavietranaj abarony Rasijskaj Fiederacyi i Respubliki Biełaruś», — havorycca ŭ paviedamleńni.
Adznačajecca, što pahadnieńnie taksama «doŭhaterminova zamacuje rasijskuju vajskovuju prysutnaść u rehijonie».
Suprać stvareńnia bazy kateharyčna vystupaje biełaruskaja apazicyja. Dahetul na terytoryi Biełarusi znachodzilisia tolki asobnyja rasijskija vajskovyja abjekty, bazy nie było.
Nahadajem, što rasijskaja vajskovaja prysutnaść u Sievastopali zrabiła mahčymym zachop i anieksiju Kryma ŭ 2014. Baza ŭ Baranavičach ci Babrujsku, miž tym, aznačaje kantrol nad usioj pavietranaj prastoraj Biełarusi, ź Minskam uklučna.
Raniej ministr abarony Rasii nazyvaŭ płanavanaj dataj stvareńnia bazy ŭ Biełarusi 2015 hod.