Taćciana Karatkievič nie vieryć, što jaje paplečnikami manipulujuć śpiecsłužby
Abvinavačvańni jaje ŭ hulni na karyść uładaŭ, a jaje paplečnikaŭ — u supracoŭnictvie sa śpiecsłužbami nijak nie paŭpłyvajuć na žadańnie Taćciany Karatkievič praciahvać udzieł u vybarach.
Pra heta jana zajaviła, kamientujučy publikacyi niekatorych ŚMI i zajavy Uładzimira Niaklajeva. Niaklajeŭ, nahadajem, vykazaŭ padazreńni adnosna matyvaŭ dziejnaści kiraŭnika štaba Karatkievič Andreja Dźmitryjeva.
«Ja nie vieru hetym abvinavačvańniam! — skazała Karatkievič. — My z hetaj kamandaj razam užo 6 hadoŭ. I nie było ŭ mianie sumnieńniaŭ u pryniatych rašeńniach, u dziejnaści, my nikoli nie padyhryvali nikomu, zaŭsiody mieli stratehiju i dziejničali zładžana ŭnutry», — skazała jana.