Tydni Hiermanii ŭ Biełarusi — z 25 vieraśnia pa 24 kastryčnika
Tydni Hiermanii projduć u Biełarusi z 25 vieraśnia pa 24 kastryčnika i buduć pryśviečany 25-hodździu abjadnańnia Hiermanii. Pra heta paviedamiŭ siońnia na pres-kanfierencyi Nadzvyčajny i Paŭnamocny Pasoł FRH u Biełarusi Pieter Detmar.
Praviadzieńnie Tydniaŭ Hiermanii ŭ Biełarusi ŭžo stała dobraj tradycyjaj. Heta mierapryjemstva arhanizujecca na praciahu bolš jak dziesiaci hadoŭ. U hetym hodzie Tydni Hiermanii buduć asabliva maštabnymi i pradoŭžacca amal miesiac z nahody jubilejnaj daty. Ich prahrama adrasavana ŭsim, chto cikavicca niamieckaj kulturaj, movaj i hramadstvam. Paznajomicca z Hiermanijaj biełaruskaj hramadskaści dapamohuć filmy i muzyka, teatr i litaratura, fotavystaŭka i inšyja mierapryjemstvy. Adkryjucca Tydni vystaŭkaj na temu «Šlach da adzinstva Hiermanii».
«Za minułyja hady Tydni Hiermanii stali nieadjemnaj častkaj raboty ŭ halinie niamieckaj kultury ŭ Biełarusi. Jany pravodziacca pasolstvam Fiederatyŭnaj Respubliki Hiermanija razam ź inšymi hiermanskimi ŭstanovami i niamieckimi pasrednikami ŭ halinie kultury ŭ Biełarusi ŭ supracoŭnictvie ź biełaruskimi partniorami», — raskazaŭ Pieter Detmar.