9 kastryčnika – prezientacyja «Arche» ŭ Halerei «Ŭ»
9 kastryčnika ŭ 18.00 u halerei sučasnaha mastactva «Ŭ» u Minsku (pr-t Niezaležnaści, d. 37a) adbudziecca prezientacyja śpiecyjalnaha numara «Arche» pad nazvaj «Polšča ŭ Druhoj suśvietnaj vajnie». Prezientacyja arhanizujecca pa inicyjatyvie i pry ŭdziele Pasolstva Polščy ŭ Biełarusi.
Numar, vydadzieny z nahody 70-hodździa zakančeńnia Druhoj suśvietnaj vajny, utrymlivaje artykuły polskich i biełaruskich historykaŭ i achoplivaje svaim źmiestam asnoŭnyja viechi z historyi polskaha ŭzbrojenaha čynu padčas Druhoj suśvietnaj vajny.
Čytač znojdzie ŭ im artykuły, pryśviečanyja čysta vajskovaj prablematycy (historyja stvareńnia i bajavoha šlachu paasobnych vajskovych farmavańniaŭ), a taksama daśledavańni, jakija tyčacca vajenna-palityčnaj situacyi ŭ Polščy napiaredadni i padčas Druhoj suśvietnaj vajny. Razhledžana jak historyja rehularnych vajskovych farmavańniaŭ, jakija dziejničali na roznych frantach vajny, tak i historyja niezaležnickaha partyzanskaha ruchu.
Siarod inšaha, u numary źmieščany tematyčnyja karty, šmatlikija fotazdymki i ilustracyi.
U ramkach prezientacyi budzie taksama pradstaŭlena kniha adnaho z aŭtaraŭ śpiecyjalnaha vypusku časopisa «Arche», historyka Ihara Mielnikava «Miaža la Zasłaŭja 1921-1941 hh.».
Sardečna zaprašajem da ŭdziełu ŭ prezientacyi, uvachod volny.