Nobieleŭskuju premiju miru atrymaŭ Kruhły stoł Tunisa — za mirny pierachod da demakratyi
Arhanizacyja «Tuniski Nacyjanalny dyjałoh» atrymała Nobieleŭskuju premiju miru za jaho «vyrašalny ŭkład u budyčyniu pluralistyčnaj demakratyi ŭ Tunisie ŭ vyniku Jaźminavaj revalucyi 2011 hoda».
«Tuniski Nacyjanalny dyjałoh» — heta svajho rodu kruhły stoł, jaki adyhraŭ važnuju rolu ŭ pracesie pierachodu Tunisa da stabilnaha raźvićcia. Jaho ŭtvaryła čaćviorka asnoŭnych struktur hramadzianskaj supolnaści Tunisa. Heta niezaležnyja prafsajuzy krainy, kanfiederacyja pradprymalnikaŭ i pracadaŭcaŭ, abjadnańnie pravaabaroncaŭ i kalehija advakataŭ krainy.
U adroźnieńnie ad Livii, Tunis paśla revalucyi nie pahruziŭsia ŭ chaos. U adroźnieńnie ad Jehipta, kontrrevalucyja tam nie pieramahła. Tuniski dyktatar byŭ skinuty ŭ 2011 hodzie. Prykład Tunisa natchniŭ na paŭstańnie Jehipiet, Liviju, Bachrejn i Siryju. Adnak paśpiachovaj była tolki tuniskaja revalucyja.