20 kastryčnika — Połackaja Safija ŭ kniharni łohvinaŬ
Prezientacyja knihi, pryśviečanaj architektaru-restaŭrataru Valeryju Ślunčanku adbudziecca ŭ aŭtorak (20 kastryčnika) u kniharni «łohvinaŬ» (Minsk, pr-t Niezaležnaści, 37a).
Udzieł biaruć piśmieńnik Uładzimir Arłoŭ, architektar-restaŭratar Vadzim Hlińnik, historyk, staršynia Tavarystva biełaruskaj movy Aleh Trusaŭ.
Pačatak a 19-j. Uvachod volny
***
Valeryj Ślunčanka (1945—1992) — aŭtar prajektaŭ restaŭracyi Safijskaha i Bohajaŭlenskaha saboraŭ u Połacku, Kałožskaj carkvy ŭ Horadni, karmielickaha kaścioła ŭ Mścisłavie, siadziby Franciška Bahuševiča ŭ Kušlanach dy inšych znakavych pomnikaŭ našaj historyi i kultury. U knihu vydadzienuju da 70-hodździa Majstra, uvajšli jaho narysy, ese i vieršy, a taksama malunki i vycinanki Valeryja. Asobny raździeł składajuć uspaminy siabroŭ i kaleh.