24 kastryčnika ŭ Minsku možna budzie abmianiać makułaturu na sadžancy dreŭ
Ekałahičnaje tavarystva «Zialonaja sietka» zaprašaje minčan pryniać udzieł u akcyi «Mianiajem makułaturu na sadžancy», prymierkavanaj da Mižnarodnaha dnia biez papiery. Jana projdzie 24 kastryčnika 2015.
Na simvaličnaj akcyi Zialonaj sietki ŭ abmien na makułaturu možna atrymać sadžancy klonaŭ, duboŭ, arechaŭ, a taksama daviedacca ab roznych sposabach ekanomnaha vykarystańnia papiery.
«Navučymsia vykarystoŭvać papieru racyjanalna!» — taki asnoŭny deviz Mižnarodnaha dnia biez papiery, jaki tradycyjna prachodzić kožny čaćviorty čaćvier kastryčnika. U hety dzień ludzi pa ŭsim śviecie abjadnoŭvajucca dla taho, kab padzialicca asabistym dośviedam skaračeńnia nieracyjanalnaha raschodu papiery i pravieści akcyi padtrymki.
Ekałahičnaje tavarystva «Zialonaja sietka» taksama zaprašaje minčan dałučycca da kampanii i abmianiać vykarystanuju papieru na žyvoje dreva, zrabiŭšy ekanomiju papiarovych resursaŭ i zbor makułatury dobraj zvyčkaj.
Akramia abmienu makułatury na sadžancy darosłyja i dzieci zmohuć pahutaryć z aktyvistami ruchu «Zialony dazor» tavarystva «Zialonaja sietka». Udzielnikaŭ čakajuć siamiejnyja majstar-kłasy, karysnaja infarmacyja ab tym, jak biez škody dla kamfortu zrabić svajo žyćcio bolš zdarovym i ekałahičnym. Ciopłaja atmaśfiera, konkursy i pačastunak usim harantavanyja!
24 kastryčnika z 12 00 da 15 00. Miesca sustrečy: kaviarnia«Bitłdžus», Minsk, vuł. Kalinina, 7.
Uvachod volny.
Padtrymać akcyju moža luby čałaviek ci kampanija, raspavioŭšy pra svoj asabisty prykład u sacyjalnych sietkach z dapamohaj chešteha #DieńBiezBumahi. Samaja śmiełaja i efiektyŭnaja ideja skaračeńnia vykarystańnia papiery budzie adznačana pryzam ad Zialonaj sietki.