31 kastryčnika ŭ Minsku projdzie kvest Muzieja savieckich represij
31 kastryčnika Virtualny muziej savieckich represij ładzić haradski kvest, pryśviečany trahičnym padziejam 29-30 kastryčnika 1937 h., kali pa zahadzie Stalina było źniščana bolš za 100 pradstaŭnikoŭ biełaruskaj intelihiencyi – paetaŭ, piśmieńnikaŭ, navukoŭcaŭ, dziaržaŭnych dziejačaŭ.
Kvest ujaŭlaje saboj kamandnuju haradskuju hulniu, jakaja dazvolić akunucca ŭ atmaśfieru davajennaha Minska i daśledavać historyju tych ciažkich dzion. Kab pieramahčy i atrymać kaštoŭny pryz, kamandam daviadziecca jak maha chutčej vykanać šerah zadańniaŭ na staličnych vułačkach.
Dla ŭdziełu ŭ kveście treba 31 kastryčnika z 10:00 da 16:00 zajści na staronku quest.represii.net i zarehistravać svaju kamandu. U kamandzie moža być ad 1 da 5 čałaviek. Uzrost udzielnikaŭ nieabmiežavany, ale dla ŭdziełu spatrebicca telefon/płanšet/noŭtbuk z dostupam u internet.