Prezidenty Polščy j Rumynii źbirajuć kiraŭnikoŭ krain Bałta-Čarnamorskaha rehijona
U sieradu ŭ stalicy Rumynii Buchareście adbudziecca sustreča kiraŭnikoŭ dziaržaŭ uschodniaha fłanhu NATA i Jeŭrasajuza. Svaich kaleh supolna zaprasili prezidenty Polščy i Rumynii — dźviuch najbolšych dziaržaŭ Centralnaj i Uschodniaj Jeŭropy.
U Bucharest pryjeduć prezidenty Estonii, Łatvii, Litvy, Słavaččyny, Vienhryi, Bałharyi i kiraŭnik nižniaj pałaty parłamienta Čechii.
Sustreča maje stać surjoznym sihnałam dla astatniaj častcy NATA, što ŭschodni fłanh adčuvaje pahrozu z boku Rasii.
Kožnaja z hetych krain paasobku zanadta słabaja, kab procistajać rasijskaj armii ŭ vypadku kanfliktu. Ni adna z krain nie maje atamnaj zbroi, dyj navat u vypadku niajadziernaha kanfliktu nie majuć dastatkovych srodkaŭ supraćpavietranaj abarony, kab procistajać rasijskaj avijacyi i rakietam. Tamu krainy Bałtyi, Polšča i Rumynija prosiać NATA pra raźmiaščeńnie chacia b simvaličnych baz, kab pakazać, što ZŠA buduć baranić usie krainy aljansa.
Niadaŭna abranyja prezidenty Rumynii Kłaŭs Jochanis i Polščy Andžej Duda naležać da pravych partyj. Polšča i Rumynija — najbolš samadastatkovyja ŭ ekanamičnym i vajskovym sensie krainy. Abiedźvie hetyja nacyi majuć mocnuju nacyjanalnuju śviadomaść. U ich taksama jość tradycyi vajskovaj pramysłovaści. Mienavita dźvie hetyja krainy musili stać bazami dla raźmiaščeńnia amierykanskich batarej procirakietnaj abarony.