«Listapad» paśla «Listapada»
Dobraja navina dla tych, chto nie paśpieŭ nabyć kvitki na niekatoryja filmy «Listapada». Jany vyjduć u prakat u minskich kinateatrach ŭžo paśla fiestyvalu!
Z prahramy asnoŭnaha konkursu ihravoha kino ŭ prakat vyjdzie rasijski film «Kraina Oz» režysiora Vasila Siharava. Čaroŭnuju kamiedyju, napoŭnienuju ruskim ducham i pieradnavahodnim nastrojem, možna budzie ŭbačyć u kinateatry «Biełaruś» z 3 pa 16 śniežnia jakraz napiaredadni śviata.
Film «Kraina Oz»
Adrazu dva filmy z novaj prahramy «Lvy, Miadźviedzi, Palmavyja haliny» pakažuć u kinateatry «Pieramoha» z 16 pa 30 listapada. Heta iranski kvazidakumientalny film «Taksi», jaki atrymaŭ u hetym hodzie na Bierlinskim kinafiestyvali hałoŭny pryz, i ŭładalnik «Załatoha Lva» «Hołub siadzieŭ na halincy, razvažajučy pra byćcio» — tonkaje kino pra sučasnaha Don Kichota i Sanča Pansa.
Film «Hołub siadzieŭ na halincy, razvažajučy pra byćcio»
Adziny film prahramy «Art-mejnstrym» «Dama ŭ akularach i sa strelbaj ŭ aŭtamabili» buduć pakazvać u «Centralnym» z 16 pa 25 listapada. Tam ža ŭ hety ž čas projdzie i pakaz «Maładości» Paoła Sarencina ź siekcyi «Majstar-kłas».
Film «Maładość»
Padrabiaznuju infarmacyju ab filmach čytajcie tut.