«Rumoł» viazie ŭ Minsk ideołaha «Ruskaha śvietu»
Sajt «Ruś maładaja» anansuje, što 17 listapada ŭ kanfierenc-zale hatela «Biełaruś» u Minsku adbudziecca sustreča z rasijskim «ekśpiertam, piśmieńnikam Mikałajem Starykavym».
45-hadovy Mikałaj Starykaŭ — heta błohier i publicyst. Jon aŭtar šmatlikich kanśpirałahičnych knih i artykułaŭ, jakija historyki-recenzienty acharaktaryzavali jak «iłženavuku». Na jaho źviartali mała ŭvahi, pakul jon nie staŭ adnym ź ideołahaŭ zachopu Kryma. U svaich artykułach jon taksama patrabavaŭ dalejšaha rasčlanieńnia Ukrainy.
Va Ukrainu jon, darečy, pryjazdžaŭ za hod da padziej u Krymie i na Danbasie. Jahonuju sustreču ŭ Kijevie sarvała moładź — aratara zaśvistali, stali skandavać «Hańba».