Šviecyja ŭvodzić pamiežny kantrol na 10 dzion
Akružanaja z usich bakoŭ inšymi krainami — členami Šenhienskaha pahadnieńnia Šviecyja abviaściła ab časovym viartańni pamiežnaha kantrolu ŭ suviazi z rekordnym napłyvam mihrantaŭ.
Jak adznačyŭ kiraŭnik MUS Anders Ihieman, napłyŭ pierasialencaŭ pastaviŭ pad pahrozu hramadskuju biaśpieku ŭ karaleŭstvie.
Pravierki na miežach pačnucca ŭ čaćvier dniom. Hetaja pracedura budzie doŭžycca 10 dzion.
Pry hetym pra pierakryćcio miežaŭ havorka nie idzie: šviedskija pamiežniki buduć praviarać pasažyraŭ ciahnikoŭ, paromaŭ i aŭtobusaŭ, jakija ŭjazdžajuć z Danii i Hiermanii.
U hetym hodzie na 9,5 miljonaŭ žycharoŭ Šviecyi pryjdziecca amal 200 tysiač novych mihrantaŭ.
Jak kažuć analityki ŭ karaleŭstvie, prytok pierasialencaŭ vyklikaŭ pryrost rejtynhu partyi «Šviedskija demakraty», jakaja staić na antyimihranckich pazicyjach.