Google vypuściŭ dudł u honar dnia naradžeńnia litary «jo»
U Rasii na hałoŭnaj staroncy sajta Google źjaviŭsia dudł u honar 232-hodździa z dnia źjaŭleńnia litary «jo», jakaja jość u ruskim i biełaruskim ałfavitach.
29 listapada (18 listapada pa starym styli) 1783 hoda litara była pryznana aficyjna i zamianiła na piśmie dva huki. Adnak šyrokaje raspaŭsiudžvańnie litara atrymała tolki ŭ 1797 hodzie paśla taho, jak Karamzin u svaim časopisie staŭ vykarystoŭvać jaje rehularna.
Reforma ruskaj arfahrafii 1918 hoda zamacavała za litaraj «jo» siomaje miesca ŭ ałfavicie z 33 litar, adnak abaviazkovaj jana tak i nie stała. Masava vykarystoŭvać jaje pačali ŭ 1942 hodzie byccam by paśla rasparadžeńnia Stalina (hł. Koratka pra historyju źjaŭleńnia «jo» na sajtie delfi.lv).
Pavodle dziejučych pravił ruskaj arfahrafii, u drukavanych tekstach litara «jo» ŭžyvajecca vybaračna.
U biełaruskaj movie jaje ŭžyvańnie abaviazkovaje.