LifeNews skaračaje 30% svaich supracoŭnikaŭ
Chołdynh News Media, u jaki ŭvachodziać telekanał LifeNews i «Iźviestija», vyrašyŭ skaracić vydatki na 30%. Pra heta vydańniu VC.ru paviedamiła namieśnik hałoŭnaha redaktara «Viestak» Nastaśsia Kašavarava.
Pavodle jaje słoŭ, «pierad kiraŭnikami padraździaleńniaŭ jość dva šlachi vyrašeńnia prablemy — albo skaračać štat na 30 adsotkaŭ, albo skaračać zarpłaty na 30 adsotkaŭ».
Pra skaračeńnie fondu apłaty pracy 22 śniežnia na redkalehii abviaściŭ kiraŭnik chołdynhu Aram Habrelanaŭ.
U kancy 2014 hoda chołdynh News Media užo pravodziŭ skaračeńni. Tady paviedamlałasia, što buduć zvolnienyja da pałovy supracoŭnikaŭ telekanała LifeNews.
U News Media ŭvachodzić sajt i telekanał Life News, haziety «Iźviestija», «Žizń» i «Tvoj dień», a taksama prajekt Super.ru.
LifeNews adyhraŭ centralnuju rolu ŭ raspalvańni vajny na Danbasie. Telekanał vykarystoŭvaŭ miedyjatechnałohii zachodnich žoŭtych ŚMI, ale spałučaŭ heta z šavinizmam i ahresijaj.
Aram Habrelanaŭ ličycca blizkim siabram Uładzimira Pucina. Kali ceny na naftu byli vysokimi, Maskva pryviała ŭ dziejańnie kałasalnuju prapahandysckuju mašynu, aryjentavanuju jak na ŭnutranuju, tak i na zamiežnyja aŭdytoryi. Byli zadziejničany telebačańnie, internet, navat u sacyjalnych sietkach dziejničali tysiačy «botaŭ». Paśla padzieńnia cenaŭ na naftu prapahandysckaja mašyna pačała zbaŭlać abaroty.