«Pierapis biełaruskamoŭnaha nasielnictva» «Movy nanova» vyklikaŭ łancuhovuju reakcyju
Abmiarkoŭvajcie!
Moŭnyja kursy «Mova nanova» stali miescam sustreč i znajomstvaŭ ludziej, prychilnych da biełaruskaj kultury. Spačatku jany arhanizavalisia ŭ Minsku, a paśla raspaŭsiudzilisia na tuzin haradoŭ i prynosiać šmat radaści sotniam ludziej.
Vialikaj udačaj «Movy nanova» sioleta staŭ «Pierapis biełaruskamoŭnaha nasielnictva». Heta internet-šabłon, u jaki kožny moža ŭstavić svajo fota i karotki tekst pra siabie.
«Kartki» pierapisu zrabili furor u internecie. U fejsbuku i Ukantakcie razyšlisia sotni takich kartak. Ideja była, kab «pakazać, što biełaruskamoŭnyja ludzi jość va ŭsich śfierach žyćcia i nasielenych punktach» i «dać prykład inšym: kim by vy ni byli i dzie b ni pracavali, razmaŭlajcie pa-biełarusku».
Aŭtary zaklikali ludziej nie saromiecca, kali jany nie viedajuć movy i robiać pamyłki. Hałoŭnaje — zrabić krok.
My sabrali pieršyja-lepšyja zdymki, kab vy mahli acanić ich sami.