Prezident Polščy demanstratyŭna admoviŭsia ŭziać patranaž nad šeściem pamiaci Buraha ŭ Hajnaŭcy
Prezident Polščy demanstratyŭna admoviŭsia ŭziać patranaž nad šeściem pamiaci «Buraha» ŭ Hajnaŭcy.
Marš majuć pravodzić pravyja radykały.
Ramuald Rajs pa mianušcy «Bury» — heta kamandzir antykamunistyčnaha partyzanskaha atrada, jaki ŭ 1945—1948 ździajśniaŭ na Padlaššy masavyja zabojstvy miascovych pravasłaŭnych. Takim čynam, polskija partyzany imknulisia adstrašyć nasielnictva ad supracy z kamunistyčnymi ŭładami i vyklikać emihracyju biełarusaŭ i ŭkraincaŭ z Padlašša ŭ SSSR. Bandyty Buraha zabivali ŭsich, chto nie moh zhavaryć katalickaj malitvy pa-polsku.
Pomnik achviaram Buraha ŭ Zalašanach na Padlaššy.
Na sajcie prezidenta Polščy źjaviłasia admysłovaje paviedamleńnie, što Andžej Duda admoviŭsia patranavać šeściu.
Nahadajem, što Hajnaŭka — heta adzin z centraŭ kampaktnaha pražyvańnia biełarusaŭ u Polščy.
Cikava, što Nacyjanalny ruch, jaki arhanizoŭvaje šeście ŭ Hajnaŭcy, pavodle niekatorych źviestak finansujecca z Maskvy, jak i šerah inšych pravaradykalnych ruchaŭ Jeŭropy.