Prezident Uhandy patłumačyŭ, čamu jaho apanienty aryštavanyja
Pieraabrany piaty raz zapar prezident Uhandy Joviery Musievieni u intervju Bi-bi-si raspavioŭ, čamu jaho hałoŭnyja apanienty pa vybarach byli aryštavanyja adrazu paśla hałasavańnia.
Pavodle jaho słoŭ, Kiza Biesidže i były premjer-ministr Amama Mbabazi sumiesna sprabavali destabilizavać abstanoŭku ŭ krainie i spravakavać usplosk hvałtu.
Jon nie staŭ udavacca ŭ padrabiaznaści hetaj nibyta tajnaj zmovy, adznačyŭšy tolki, što infarmacyja była atrymana ad słužbaŭ biaśpieki.
Mbabazi nie pahadziŭsia ź mižnarodnymi naziralnikami, šŭto abvinavacili minułyja prezidenckija vybary ŭ nieprazrystaści.
Jon adznačyŭ, što płanavaŭ vykarystoŭvać na vybarach kampjutarnuju sistemu padliku hałasoŭ, ale na heta nie chapiła srodkaŭ.
Kirujučy Uhandaj z 1986 hoda prezident Musievieni atrymaŭ padtrymku 60,75% vybarščykaŭ. Hałoŭny supiernik 71-hadovaha prezidenta — apazicyjanier Kiza Biesidže — atrymaŭ 35,4% hałasoŭ.
Biesidže prajhraŭ čaćviortyja vybary. Jon zajaviŭ, što nie pryznaje vyniki hałasavańnia. Ź piatnicy jon znachodzicca pad chatnim aryštam.
Ułady zapadozryli, što Biesidže źbirajecca abjavić vyniki vybaraŭ sam, rastłumačyli ŭ palicyi. Heta było b parušeńniem zakona i patencyjna mahło pryvieści da biesparadkaŭ, kažuć ułady.