U apytancy ŭ VK «Sovietskoj Biełoruśsii» bolšaść vykazałasia za ŭžyvańnie nazvy «Maskovija» zamiest «Rasija»
Prapanova niekatorych deputataŭ Viarchoŭnaj Rady Ukrainy zakanadaŭča rekamiendavać nazyvać «Rasiju» «Maskovijaj» była trolinham vysokaha ŭzroŭniu. Infarmacyja pra takuju inicyjatyvu šyroka razyšłasia ŭ ŚMI. Napisała pra jaje i prezidenckaja «Sovietskaja Biełoruśsija». A na svajoj staroncy ŭ VK haziety raźmiaściła i apytanku čytačoŭ. Rasija ci Maskovija?
Pa stanie na 12.00 25 lutaha ŭ joj prahałasavała amal 1500 čałaviek. 77% ź ich addali pieravahu Maskovii.
Da XVII st. na biełaruskich i ŭkrainskich ziemlach Rasiju sapraŭdy nazyvali pieravažna Maskovijaj.
Hrečaskuju nazvu «Rasija» maskoŭskija kniazi pačali kultyvavać ad XVI st., razumiejučy, što takaja nazva abhruntoŭvaje ich pretenzii na ŭsie ziemli byłoj Kijeŭskaj Rusi.
U biełaruskich i ŭkrainskich havorkach da XX st. «ruskimi» nazyvali biełarusaŭ i ŭkraincaŭ, u adroźnieńnie ad «rasiejcaŭ», «rasijcaŭ» ci «maskaloŭ», i tolki ŭ XX st. hetyja paniaćci źmiašalisia.
Tonki trolinh ukrainskich deputataŭ-radykałaŭ nahadaŭ pra hetyja histaryčnyja niuansy.