Apazicyja ładzić siońnia viečarynu da 10-hodździa Płoščy Kalinoŭskaha
Ruch salidarnaści «Razam» zaprašaje 20 sakavika na ŭračystuju viečarynu, pryśviečanuju 10-hodździu padziejam na Płoščy Kalinoŭskaha. Impreza raspačniecca ŭ ofisie partyi BNF a 16-j hadzinie.
Kaardynatar ruchu Viačasłaŭ Siŭčyk z hetaj nahody zhadvaje:
«Namiotavaje miastečka ŭ samym centry Miensku abaraniałasia biełarusami nasupierak biesprecedentnamu cisku ŭładaŭ bolš za troje sutak — ad viečara 20 sakavika, kali aktyvistami kampanii «Chopić!» byli pastaŭlenyja čatyry pieršyja namioty, da brutalnaha razhromu lahiera specnazam 24 sakavika.
Usich, chto pamiataje hety Nacyjanalny Čyn, volu i mužnaść biełarusaŭ chałodnymi sakavickimi dniami i načami 2006 hodu, zaprašajem na viečarynu. Budziem razam, bo my jašče nie pieramahli! Žyvie volny, niaskorany biełaruski duch Płoščy Kalinoŭskaha! Słava Nacyi! Žyvie Biełaruś!».
Miarkujecca, što pra ŭroki padziejaŭ 10-hadovaj daŭnaści prysutnym raskažuć hramadzkija aktyvisty, abaroncy namiotavaha miastečka i žurnalisty, jakija ŭ tyja dni pracavali na płoščy.