Indaniezijskaja śpiavačka pamierła na scenie paśla ŭkusu kobry
Indaniezijskaja śpiavačka Irma Bjuł, viadomaja svaim ekzatyčnym šou z kobraj, pamierła na scenie paśla ŭkusu źmiai.
Kobra napała na 29-hadovuju vykanaŭcu padčas kancertu, pry hetym, niahledziačy na ŭkus, jana praciahvała śpiavać jašče 45 chvilin. Momant, kali ŭ Bjuł pačalisia vanity i kurčy i jana ŭpała na scenie, fanaty źniali na videa.
Jak udakładniaje The Daily Mail, incydent adbyŭsia ŭ nasielenym punkcie Karavanh u pravincyi Zachodniaja Java. Bjuł vypadkova nastupiła na chvost karaleŭskaj kobry, paśla čaho taja ŭkusiła jaje ŭ ściahno. Śpiavačku dastavili ŭ balnicu, dzie lekary kanstatavali jaje śmierć.
Palicyja pačała rasśledavańnie abstavinaŭ śmierci Bjuł.
Karaleŭskija kobry ličacca samymi bujnymi z atrutnych źmiej. Ich daŭžynia dasiahaje 5,5 mietraŭ, a vaha 9 kiłahramaŭ. Jany nasialajuć u paŭdniovaj Indyi i paŭdniova-ŭschodniaj Azii. Ličycca, što adnaho ŭkusu karaleŭskaj kobry dastatkova, kab zabić słana.