Krynica: Za achinieju vice-premjera Kalinina žurnalistku ANT adchilili ad efiru, joj pahražaje zvalnieńnie
Jak paviedamili «Našaj Nivie» infarmavanyja krynicy, žurnalistku ANT (imia nazyvać pakul nie budziem) na miesiac adchilili ad efiru za toje, što jana dała ŭ naviny achinieju vice-premjera Kalinina pra «samyja sučasnyja trafiki».
Taksama za hety čas musić vyrašycca pytańnie ab jaje zvalnieńni z kanała.
Maŭlaŭ, zaŭvahi što da jaje pracy ŭ kiraŭnictva ANT byli i raniej, ale incydent ź vice-premjeram staŭ apošniaj kroplaj.
«Usie sinchrony [frahmienty intervju — red.] treba vypisvać słovami, kab było zručniej mantavać. A jana hetaha nie zrabiła, pastaviŭšy tak. Voś u čym palahaje parušeńnie vytvorčaha pracesu. Nie toje, što jaje pakarali mienavita za słovy Kalinina, byŭ adychod ad instrukcyi», — paviedamiła našaja krynica.
Trochi raniej kiraŭnik infarmacyjnaha viaščańnia ANT Rusłan Paddubski nazvaŭ frahmient z Kalininym u efiry kanału «čystaj nieachajnaściu žurnalista» i paabiacaŭ užyć «dyscyplinarnyja miery».