EHU: Zakryćcio ŭniviersitetu nie pahražaje, padtrymka donaraŭ zachoŭvajecca
U suviazi z apošnimi padziejami vakoł źmien u mižnarodnaj finansavaj padtrymcy EHU va ŭniviersitecie zrabili aficyjnuju zajavu.
«Kiraŭnictva Jeŭrapiejskaha humanitarnaha ŭniviersiteta (EHU) u Vilni miarkuje važnym padzialicca nastupnymi ŭdakładieńniami ŭ dačynieńni da zajavy Rady Ministraŭ Paŭnočnych krain ad 11 maja.
Supolnaść EHU vykazvaje padziaku za niepasrednuju finansavuju padtrymku z boku šmatlikich donaraŭ univiersiteta, u tym liku Rady Ministraŭ Paŭnočnych krain, nakiravanuju na zabieśpiačeńnie finansavaj padtrymki i stypiendyj dla studentaŭ ź Biełarusi, jakija atrymlivajuć jakasnuju jeŭrapiejskuju vyšejšuju adukacyju ŭ halinie humanitarnych i sacyjalnych navuk. Jak i ŭ kožnym asobnym vypadku, donary štohod pieriehladajuć ułasnyja pryjarytetnyja nakirunki finansavaj padtrymki, zychodziačy z asnoŭnych palityčnych i ekanamičnych vyklikaŭ u asobnych rehijonach i ŭ śviecie ahułam. EHU z razumieńniem stavicca da nadzvyčajnych vyklikaŭ, jakija siońnia supravadžajuć mihracyjny kryzis u Jeŭropie, i niadaŭniaha rašeńnia Rady Ministraŭ Paŭnočnych krain pa akazańni finansavaj dapamohi dla vyrašeńnia hetaha pytańnia. Rada Ministraŭ Paŭnočnych krain źjaŭlajecca adnym sa šmatlikich donaraŭ univiersiteta, i finansavaja padtrymka ź jaje boku adasoblenaja ad achviaravańniaŭ indyvidualnych uradaŭ Paŭnočnych krain (h.z. Šviecyi, Finlandyi, Danii i inš.). EHU ščyra raźličvaje na toje, kab pabačyć Radu Ministraŭ Paŭnočnych krain u liku donaraŭ univiersiteta ŭ najbližajšaj budučyni.
EHU vykazvaje padziaku Radzie Ministraŭ Paŭnočnych krain, a taksama kožnaj Paŭnočnaj krainie paasobku, za niepasrednuju finansavuju dapamohu. Akramia taho, EHU ŭdziačny za padtrymku z boku jeŭraatłantyčnych donaraŭ, uličvajučy Jeŭrapiejskuju kamisiju, urady krain Zachodniaj, Centralnaj i Paŭnočnaj Jeŭropy, a taksama Paŭnočnaj Amieryki, ahienctvy i fondy, jak u pryvatnaści, Šviedskaje ahienctva pa sadziejańni mižnarodnamu raźvićciu, siarod inšych addanych sponsaraŭ EHU.
EHU zastajecca viernym svajoj pieršapačatkovaj misii pa ŭmacavańni pazicyj Biełarusi na palityčnaj, adukacyjnaj i kulturnaj mapie Jeŭropy i Zachodniaha śvietu. Mienavita tamu, pryznajučy składanyja ekanamičnyja vykliki sučasnaj Biełarusi, Pryjomnaja kampanija EHU 2016 hoda robicca jašče bolš adkrytaj i dastupnaj dla abituryjentaŭ ź Biełarusi. EHU ŭvodzić biespłatnyja miescy na ŭsich bakałaŭrskich i mahistarskich prahramach, a taksama źnižaje maksimalny hadavy košt navučańnia na vočnym adździaleńni bakałaŭrskich prahram z 2500 da 2000 jeŭra dla hramadzian i pastajannych rezidentaŭ Biełarusi.
Nahadvajem, što pryjom ankiet abituryjentaŭ na bakałaŭrskija prahramy praciahvajecca da 18 červienia. Pryjom ankiet na mahistarskija prahramy adbyvajecca da 7 lipienia. Z asablivaściami paradka pastupleńnia ŭ EHU mahčyma aznajomicca ŭ admysłovym raździele sajta ŭniviersiteta.».