Biełarusy buduć zmahacca za VKŁ na histaryčnym feście pra 1812 hod
Kłub «Załataja špora» zaprašaje 18-19 červienia na fiestyval, pryśviečany historyi i kultury biełaruskich ziemlaŭ pačatku 19 stahodździa.
Tut i nižej fota: uxmuander.livejournal.com
U 1812 hodzie tysiačy ŭradžencaŭ Vilenščyny, Minščyny, Haradzienščyny i Biełastoččyny pajšli słužyć u armiju Vialikaha kniastva Litoŭskaha, jakoje na niekalki miesiacaŭ adradziłasia dziakujučy vyzvaleńniu biełaruskich ziemlaŭ ad maskoŭskaha panavańnia.
Mienavita hetym padziejam budzie pryśviečany fest, jaki spałučyć «žyvy» apovied pra vajennyja padziei taho času z balami, narodnymi tancami, hulniami i pieśniami.
Hledačy ŭbačać sapraŭdnyja kavaleryjskija ataki i džyhitoŭku, zmahańnie piachoty abiedźviuch armij, zmohuć zapisacca ŭ armiju taho ci inšaha boku ci pahandlavacca na biełaruskim kirmašy 19 stahodździa.
Achvotnyja zmohuć uziać uroki fiechtavańnia i balnych tancaŭ, pakatacca na kani i na bryčcy, pačastavacca stravami tahačasnaj litoŭskaj kuchni.
Repartaž «Minsk-TB» pra fest «Załataja špora» u 2015 hodzie.
Padrabiazny raskład histaryčnaha śviata dastupny na sajcie kłuba spur.by.