Tema biełaruskaj movy, kultury, historyi stanie akcentam konkursu «Mis Biełaruś — 2016»
Nacyjanalny kałaryt stanie lejtmatyvam konkursu «Mis Biełaruś — 2016». Pra heta paviedamiła žurnalistam dyrektar dyrekcyi śpiecprajektaŭ telekanała ANT, jaki arhanizuje konkurs, Anžalina Mikulskaja. Tema biełaruskaj movy, kultury, historyi, nacyjanalnych kaściumaŭ projdzie praz uvieś konkurs. Nacyjanalny akcent budzie prysutničać u fotasiesijach, padčas defile buduć demanstravacca adpaviednyja madeli adzieńnia.
Strohi adbor žury, jaki prachodziŭ u lutym hetaha hoda, amal z tysiačy pryhažuń zmahli vytrymać 50. Ale tolki 26 ź ich paśla praciahłaha etapu hutarak z žury ŭdałosia vyjści na finišnuju pramuju. Siarod pretendentak na tytuł «Mis Biełaruś — 2016»: studentki i dziaŭčaty, jakija ŭžo pracujuć, linhvisty i madeli, budučyja architektar i inžynier-mietałurh.
Vynik starannaści biełaruskich pryhažuń stanie viadomy ŭžo 19 červienia, kali ŭ Pałacy sportu adbudziecca finalnaje šou.
Nacyjanalny konkurs «Mis Biełaruś» pravodzicca raz na dva hady.
Simvałam konkursu i ŭznaharodaj źjaŭlajecca załataja karona. Upryhožvańnie vahoj 120 hram vykanana ź biełaha zołata i ŭsypana fijanitami i tapazami.
Arhanizataram konkursu i kastynhaŭ vystupaje telekanał ONT.