Hała-kancert «Biełaruś, ja lublu ciabie!» pobač z abieliskam «Minsk — horad-hieroj» zavieršycca ŭ 23.00 śviatočnym salutam
Hała-kancert hramadska-kulturnaj akcyi «Biełaruś, ja lublu ciabie!» pačaŭsia kala steły «Minsk — horad-hieroj».
Vystupiać u tym liku ŭdzielniki «Jeŭrabačańnia» roznych hadoŭ: Dźmitryj Kałdun, Ivan, hurt «3+2», UZARI, Anastasija Vińnikava, Alona Łanskaja.
Asobny błok budzie pryśviečany 25-hodździu fiestyvala «Słavianski bazar u Viciebsku». Vystupiać Piatro Jałfimaŭ, Maks Łorens, Palina Smołava, pradstaŭnik Biełarusi ŭ sioletnim konkursie Alaksiej Hros.
Kulminacyjaj hała-kancerta stanie akcyja «Praśpiavajem himn razam», jakaja pačniecca ŭ 22.55.
Paśla nieba nad abłasnymi centrami ŭ 23.00 aśviacić śviatočny salut.
U stalicy salut budzie dadzieny z šaści pazicyj 30 załpami: kala steły «Minsk — horad-hieroj», u vajennym haradku va Uruččy, u rajonie vadaschovišča Drazdy, aeraporta Minsk-1, na pustcy ŭ rajonie Čyžoŭskich mohiłak i na pustcy ŭ rajonie Navinak.