Ahulny schod zasnavalnikaŭ raspuściŭ Kiraŭničuju radu EHU?
Ahulny schod zasnavalnikaŭ prahałasavaŭ za rospusk Kiraŭničaj rady EHU. Pra heta stała viadoma «Našaj Nivie» z krynic kala ŭniviersiteta.
«Padčas pasiedžańnia Usieahulnaha schoda suzasnavalnikaŭ 6 lipienia było pryniataje rašeńnie ab abnaŭleńni składa čalcoŭ Kiraŭničaj rady, u adpaviednaści z p. 6.10. Statuta ŭniviersiteta. U dadzieny momant Usieahulny schod suzanavalnikaŭ identyfikavaŭ kandydataŭ, jakim budzie prapanavana dałučycca da pracy novaha składa Kiraŭničaj rady EHU», — havorycca na sajcie EHU.
Stary skład Kiraŭničaj rady stajaŭ za vybaram adchilenaha ad pasady rektara Dejvida Polika i pryznačeńniem Anatola Michajłava prezidentam univiersiteta. U Kiraŭničuju radu ŭvachodziła 16 čałaviek.
Apošnim časam Rady ŭznačalvała En Łonsdejł (na fota sprava), raniej jaje kiraŭnikom byŭ Den Devidsan.
Jak paviedamlałasia, pošuk kandydataŭ na pasadu rektara EHU maje ažyćciaŭlać šviedski ofis pa padbory piersanału pad kantrolem Šviedskaha ahienctva pa mižnarodnym raźvicćci.