Ukrainski himnast z Daniecka, pryzior Alimpijady, admoviŭsia razmaŭlać z rasijskimi ŚMI
Ukrainski himnast Aleh Viarniajeŭ admoviŭsia razmaŭlać z rasijskimi ŚMI ŭ mikst-zonie paśla finału.
Ucimura i Viarniajeŭ. Fota nbcolympics.com..
Karespandent rasijskaha telebačańnia paklikaŭ Viarniajeva. Kali ŭkrainiec padyšoŭ i ŭbačyŭ mikrafon z nadpisam «Rasija», demanstratyŭna paviarnuŭsia i pajšoŭ u raspranalniu, nie skazaŭšy ni słova, piša Sport-Ekspriess.
Viarniajeŭ zdabyŭ srebrany miedal u mnahaborji, sastupiŭsia tolki najlepšamu himnastu našaha času — japoncu Kachieju Ucimura.
1. Kachiej Ucimura (Japonija) 92,365
2. Aleh Viarniajeŭ (Ukraina) 92,266
3. Maks Vitłak (Vialikabrytanija) 90,641
Viarniajeŭ naradziŭsia ŭ Daniecku, ciapier žyvie ŭ Kijevie.
Što da Ucimury, to jon pieramoh i na papiaredniaj Alimpijadzie, u Łondanie. A jašče jon — 10-razovy čempijon śvietu, u tym liku 6 razoŭ zapar — u mnahaborji.