Krymski spartoviec, jaki zastaŭsia vystupać za Ukrainu, zmahajecca za alimpijskaje zołata
Andrej Hovaraŭ nie byŭ u svaim rodnym Sievastopali ŭžo try hady. Horad anieksavany Rasijaj, razam z usim Krymam, a Hovaraŭ nie mianiaŭ hramadzianstva i vystupaje za Ukrainu.
U paŭfinale 50-mietroŭki volnym stylem Hovaraŭ pryjšoŭ druhim. Jaho abahnaŭ tolki Entani Ervin z ZŠA, pryčym ź minimalnym razryvam.
Finał adbudziecca ŭ subotu 13 žniŭnia.
Akramia Hovarava, za Ukrainu vystupaje jašče adna krymčanka — Hanna Ryzatdzinava ŭ mastackaj himnastycy.
Ahułam pa stanie na 11 žniŭnia našy paŭdniovyja susiedzi zavajavavali dva srebnyja i adzin bronzavy miedal. Srebra zdabyli Aleh Viarniajeŭ u spartovaj himnastycy (mnahaborje) i Siarhiej Kuliš u stralbie ź pnieŭmatyčnaj vintoŭki. A bronzu paviazie dachaty šablistka Volha Charłan.