Śviatkavańni 25-j hadaviny Niezaležnaści Biełarusi raspačnucca «Kupalskimi čytańniami»
Śviatkavańni 25-aj hadaviny Niezaležnaści Biełarusi raspačnucca konkursam «Kupalskija čytańni».
Narodny Paet Biełarusi Janka Kupała — heta toj paet i adnačasna hramadzka-palityčny lidar, bieź jakoha niemahčyma ŭjavić Biełaruś. Nia budzie vialikim pierabolšańniem skazać, što biez Kupały nie było b i Biełarusi. Jahonaja nacyjanalna-revalucyjnaja liryka, dramaturhija i publicystyka — heta toje, što stahodździe tamu śćvierdziła biełarusaŭ u śviecie i ŭźniała biełaruski narod na baraćbu za svaju dziaržavu.
Tamu pierad pačatkam Śviatočnaha rušańnia pa praspekcie Małady Front zaklikaje patryjotaŭ pryniać udzieł u «Kupalskich čytańniach». Zaklikajem vybirać nacyjanalna-patryjatyčnyja tvory Janki Kupały i deklamavać ich na pamiać ci z arkuša la pomnika praroku Biełarusi.
Nahadajem, što raniej maładafrontaŭcy vystupili ź inicyjatyvaj praviadzieńnia «Śviatočnaha rušańnia pad nacyjanalnymi ściahami», kab adśviatkavać 25-yja uhodki Abviaščeńnia niezaležnaści Biełarusi. Akcyja raspačniecca 25 žniŭnia a 18 hadzinie la pomnika Janku Kupała i projdzie pa praspekcie da płoščy Niezaležnaści.
U śviatočny dzień 25 žniŭnia zaklikajem fatahrafavacca pad Bieł-čyrvona-biełymi ściahami, pościć śviatočnyja naviny i vinšavańni pad chešteham #niezaležnaści25 Taksama dałučajciesia da staronki padziei ŭ fejzbuku Adśviatkujem śviata niezaležnaści razam: niezaležnaj Biełarusi — 25!