Alina Tałaj i Jury Žyhamont — vučniam Pinska: «Kali my nie budziem zachoŭvać našu movu, to my źnikniem jak narod» VIDEA
Biełaruskaja lohkaatletka Alina Tałaj, razam z televiadučym i akcioram Juryjem Žyhamontam praviali śpiecyjalnyja ŭroki biełaruskaj movy ŭ adnoj z škoł horada Pinska.
Zaniatki adbylisia ŭ ramkach adukacyjnaha prajekta «Čytajem pa-biełarusku z Velcom» — aśvietnickaj inicyjatyvy, jakaja achopić 25 škoł u kožnaj vobłaści krainy.
U vučniaŭ pravieryli viedańnie biełaruskaj movy, a taksama raspaviali pra značnaść rodnaj movy dla biełarusaŭ:
Hałoŭnaja zadača sacyjalnaha adukacyjnaha prajekta «Čytajem pa-biełarusku z Velcom» — raźvić cikavaść da biełaruskaj movy i kultury ŭ školnikaŭ małodšych kłasaŭ i papularyzavać čytańnie na biełaruskaj movie.
Płanujecca, što inicyjatyva achopić kala 150 škoł pa ŭsioj Biełarusi, a ahułam kala 15 000 vučniaŭ pačatkovych kłasaŭ atrymajuć dadatkovyja viedy pa biełaruskaj movie, litaratury i kultury. Na siońniašni momant va inicyjatyvie ŭziali ŭdzieł kala bolš 8000 školnikaŭ.